НАЈГОЛЕМ ДОЛГ ОД НАПОЛЕОНСКИТЕ ВОЈНИ: Претседателот на Светскиот економски форум објави лоши вести
Објавено во: Финансии 30 Април, 2024
Глобалниот јавен долг денес е највисок од Наполеонските војни, односно од првата и втората деценија на 19 век, изјави претседателот на Светскиот економски форум, Борге Бренде на конференција во Ријад.
Бренде изјави дека глобалниот јавен долг се приближува до границата од 100 отсто од БДП, како и дека напредните економии се соочуваат со закана од стагфлација, односно раст на цените со истовремен пад на производството, пренесува CNN.
Неговото предупредување се совпаѓа со неодамнешниот извештај на Меѓународниот монетарен фонд (ММФ), во кој се вели дека глобалниот јавен долг достигнал 93 отсто од БДП минатата година, што е за девет отсто повеќе од нивото пред пандемијата.
ММФ предвиде дека глобалниот јавен долг би можел да биде близу 100 отсто од БДП до крајот на деценијата.
World Economic Forum president Borge Brende says “We (the world) haven’t seen this kind of debt since the Napoleonic Wars ((1799–1815)”. IMF says global public debt edged up to 93% of GDP last year, and could near 100 % of GDP by the end of the decade https://t.co/zjeNcImXcu
— Charles Onyango-Obbo (@cobbo3) April 29, 2024
Бренде нагласи дека владите треба да размислат како да ги намалат долговите и да ги преземат вистинските фискални мерки, без истовремено да предизвикаат рецесија.
Претседателот на Светскиот економски форум предупреди и на последиците од забавувањето на светскиот економски раст кој, според прогнозата, во 2024 година ќе изнесува 3,2 отсто.
Светот ќе се соочи со една деценија слаб економски раст доколку не се спроведат вистинските мерки, заклучи Бренде.