ДУИ во Мала Речица решава: Коалиција со Груевски или сепак не?
Објавено во: Македонија 28 Јануари, 2017
Али Ахмети и ДУИ се пред финална одлука.
Во Мала Речица централното претседателство на ДУИ во проширен состав се решава за можна коалиција со ВМРО-ДПМНЕ за состав на нов владин кабинет.
Засега неизвесностите околу новата Влада продолжуваат.
Портпаролот на ДУИ Бујар Османи во кратка изјава за медиумите пред седиштето изјави дека за нив е важна Платформата на Албанците и начинот како тој договор ќе се реализира.
„Во текот на денот од дебатата ќе поминеме на поконкретни предлози“, рече Османи.
Османи ги отфрли шпекулациите дека Ахмети, предложил коалиција со ВМРО-ДПМНЕ, а другите членови на партијата биле против.
„Ги отфрлам таквите шпекулации. Ахмети има статутарно право и сам да одлучи за чекорите, но негова цел е да ги слушне мислењата на сите членови на претседателството за сите опции, за да се донесе најздрава одлука. Отфрлувам дека има раздор во партијата или некакви преференци. Не ни е битна политичката судбина на ВМРО-ДПМНЕ или СДСМ важна ни е реализацијата на платформата и договорот потпишан со Албанците “, потенцира Османи.Засега не е познато до кога ДУИ ќе решава за коалициското прашање, но не е исклучена можноста средбата да трае и до после полноќ.
Можеби ќе ве интересира
ФАКТОР НА ДЕНОТ: Гласаа изнемоштените, осудениците и иселениците, гласањето помина мирно
ЗА СЛУЧАЈОТ СО ЈИЛДИЗ ВЕАПОСКА: Со супервештачење ќе се утврдува одговорноста на лекарите
АГЕЛЕР: Гласачите на оваа земја треба да поставуваат тешки прашања на кандидатите, а потоа мора да гласаат
ПО ПОЛНОЌ ЛЕПЕЛЕ ПЛАКАТИ: Тетовската полиција уапси две лица
ЌЕ БИДЕ ПРЕМЕСТЕН ВО ДРУГО УЧИЛИШТЕ: Надлежните ќе преземат мерки против ученикот кој истепа наставничка
ИНДЕКС НА ЧОВЕКОВИОТ РАЗВОЈ: Македонија лошо котира
ВО ПУСТЕЦ: Наскоро ќе биде поставена биста на Гоце Делчев
ВАЖНО: Граѓаните со истечени лични документи од 24 јули 2023 година ќе можат да гласаат
УТРЕ НЕМА ДА РАБОТИ ЖИЧНИЦАТА, А АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД: Еве што велат од ЈСП
