ПЕКОЛЕН ПЛАН: Како еден сосема нормален скопјанец ограби банка и исчезна?!
Објавено во: Македонија 11 Април, 2017
Кој е скопјанецот што ја изврши кражбата во НЛБ?
Многумина си го поставуваат ова прашање по грабежот на деценијата.
Информациите на Фактор велат дека со ништо не можело да се наговести дека Б.С. кова пеколен план.
Тој секојдневно и рутинирано си ги извршувал своите работни обврски, се насмевнувал на колегите. Важел за еден од фините колеги во трезорот, кој со задоволство, секогаш пиел кафе или одел на појадок со останатите вработени. Во позадина пак, го ковал пеколниот план. Како да избега од ова секојдневие....
Б.С е татко на две малолетни деца, семеен човек на свои 40 години.
Грабежот се случил пред 16 часот, а случајот во полиција го пријавил директорот на трезорот. Се работи за сума од 2 милиони швајцарски франци и 270.000 евра. Парите, според нашите информации би требало да се осигурани. Досега истрагата вели дека вработениот парите ги ставил во кеса, без да биде забележан од обезбедувањето или од колегите излегол од банката. Од МВР веќе соопштија дека по крадецот се трага со меѓународна потерница.
ГРАБЕЖ: Вработен во НЛБ Банка украл 2 милиони франци и 270 илјади евра од трезорот на банката!