Радовишкиот градоначалник се попишмани, сепак нема да ги израдува вработените со фигаро за коса
Објавено во: Македонија 20 Февруари, 2018
Ништо од подарокот фигаро за коса. Градоначалникот на Радовиш сепак нема да ги почести вработените во општината за Денот на жената 8-ми март со производи за нега за коса.
Откако вчера Герасим Конзулов и општина Радовиш распишаа објава за набавка на фигаро за коса, тендерот денеска е повлечен.
Имено, според објавата на Бирото за јавни набавки Конзулов планираше да набави 45 производи за нега на коса – фигаро и со нив да ги изненади веројатно вработените во општината. Критериум за доделување договорот беше најниската цена.
Но сепак, не знаеме зошто градоначалникот се попишманил и решил да го поништи тендерот.