Заев бара решение што ќе го заштити идентитетот на двете страни

Добивај вести на Viber

Градењето заемна доверба и гаранцијата дека решението ќе биде конечно и ќе ги заштити достоинството и идентитетот на двете страни, се најважните делови од преговарачкиот процес, порача македонскиот премиер Зоран Заев во изјавата за грчката агенција АНА-МПА.

Заев истакна дека Скопје нема иредентистички аспирации и според државната агенција, додавајќи дека грчкиот премиер Алексис Ципрас е искрен и верува дека решението на проблемот со името ќе биде добра разврска и за Грција.

– Градењето доверба меѓу двете страни – она што го правиме сега – и како ќе им гарантираме и на двете страни дека конечното решение ќе биде засекогаш, дека ќе ги заштити достоинството и идентитетот на двете страни, е најважниот дел од процесот - додаде премиерот Заев за АНА-МПА за време на неговата официјална посета на Берлин.

Во однос на тоа дали постои можност да се постигне решение до следниот НАТО Самит во јули, Заев порача дека постојат разликите во прашањето за името, но постои и можност за решение, со гаранции за народот, а не само за политичарите.

– Постои можност да најдеме решение, но само ако изградиме доверба и ги дадеме неопходните правни гаранции во преговарачкиот процес во однос на она што ќе биде прифатено од народот, а не прифатено само од Заев и Ципрас или од Димитров и Коѕијас - истакна Заев.