Добивај вести на Viber
Со своите ниски трошоци на живот, блага клима и ниските цени на недвижностите, Еквадор веќе петта година по ред е избран за најдобра дестинација за пензионерски живот на Американците и Канаѓаните.
Во редовното годишно истражување порталот „IternationalLiving“, Еквадор по петти пат доби највисоки оценки во оваа категорија. На второ место е Панама, по што како најдобри земји за живот на пензионерите се наведуваат Малезија, Мексико и Коста Рика.
„Мислам дека пресудна е комбинацијата на гостопримството, пријатна клима, ниски цена на имоти и релативната близина на САД", изјави уредникот на порталот Дан Прешер.
Истражувањето се темели врз следниве фактори: трошоци на живот, клима, цените на недвижностите, здравствена заштита, можоста за интеграција на пензионерите во секојдневието како и начини на забава и посебни поволности за пензионерите.
Десетте најатрактивните земји за пензионерски живот ги вклучуваат и Уругвај, Колумбија, Шпанија, Тајланд и Малта.