Добивај вести на Viber
Одливот на капитал од Русија во 2014 година, на кој влијаеа и кризата во украина и падот на рубљата, достигна 151 милијарда долари, соопшти Централната банка на Русија.
Одливот на капитал е за 2,5 пати поголем отколку во 2013 година, кога достигна 61 милијарда долари.
Вкупната трговска размена на Русија во 2014 година изнесува 56,7милијарди долари, додека во 2013 година била 34,1 милијарди долари.Централната банка кон крајот на декември минатата година прогнозираше одлив на капитал од 128 милијарди долари, но на конечниот износ влијаеше падот на рубљата.
Во последниот квартал на 2014 година одливот на капитал изнесувал 72,9 милијарди долари, додека во истиот период во 2013 година изнесувал 16,9 милијарди долари.
Централната банка очекува подобрување во 2015 година, иако некои економски експерти сметаат дека одливот на рускиот капитал ќе продолжи да расте.