недела, 19 апр 2015
    ALK 5192.35    0.07%     BESK 5000    8.7%     GRNT 539.75    1.96%     KMB 1808.15    -0.11%     MPT 19500.33    -0.92%     PPIV 22900    9.05%     RZLE 18    0%     SBT 1139.62    3.51%     SPAZ 8199    4.45%     STB 350.03    1.4%     TEL 285    0.26%     TNB 6230.91    0.31%     VITA 8860    0%
X
Дома / ЕКОНОМИЈА / Инвеститори од Канада заинтересирани за Македонија
Инвеститори од Канада заинтересирани за Македонија

Инвеститори од Канада заинтересирани за Македонија

Канадската влада, како одговор на засилената активност на Македонија и партнерите од регионот, се реши финансиски да го помогне економскиот форум на кој ќе се презентираат потенцијалите за инвестирање и водење бизнис во Македонија. Во рамките на новиот циклус активности за информирање и привлекување на канадските инвеститори Македонија ќе организира повеќе презентации и тркалезни маси во Отава, Монтреал, Торонто и Виндзор.

Македонскиот Амбасадор Тевдовски на првата презентација на македонските бизнис и инвестициски потенцијали на 26ти февруари во Отава,пред заинтересираните бизнисмени и Македонски иселеници во Канада потсети дека инвестирањето во Македонија значи директен пристап кон слободен пазар од 660 милиони жители.

-Македонската амбасада е посебно задоволна што и канадската влада го дели ставот дека нашиот регион е од значаен интерес за канадските бизнисмени и инвеститори. Подолг период, заедно со турските пријатели и други партнери од регионот, ја нагласуваме оваа реалност, но по успешното Роуд шоу на македонскиот владин тим, одлуката на канадската влада да инвестира внимание и ресурси во нашите инвестициски потенцијали представува нов квалитет во економските релации.“- нагласи Амбасадорот.

Значајниот интерес на повеќе канадски компании од областа на рударството, инфраструктурата и градежништвото за потенцијалите на Република Македонија беше и главна тема на средбата на македонскиот тим со Питер Хејл, главниот економски аналитичар и заменик директор на престижната Агенција за Промоција на Извозот на Канада (ЕДЦ). Презентација на можностите за инвестирање и водење бизнис во Македонија ќе биде организирана и пред Комората на Виндзор, најголемиот центар на автоиндустријата во Канада.

На досега најголемиот економски форум за можностите за инвестирање и развивање бизнис во Југо-источна Европа, финансиски поддржан од Канадското министерство за надворешни работи и меѓународна трговија своја презентација ќе има и директорот на Агенцијата за странски инвестиции, Висар Фида.

 

Спонзориран линк:

Дали сакате да добиете 50€ реални пари за тргување на глобалниот финансиски пазар и започнете да заработувате пари? Регистрирајте се овде и почнете да тргувате со 50 евра на светската берза

Одговори