четврток, 11 фев 2016
    ALK 5372.28    1%     BEST 1200    0%     CEVI 380    0%     GRNT 495    -0.8%     ICNF 9    0%     KMB 2355    0.06%     LOZP 2100    0%     MPT 17700    0.04%     OKTA 790    3.13%     RMDEN09 94.1    0%     RMDEN10 91.2    -2.98%     RMDEN13 93.71    -0.31%     RZLE 12    0%     SPAZ 8200.83    2.5%     STB 405.72    0.49%     STIL 55    9.61%     TEL 271    -2.87%     TNB 7500    0%     TPLF 642.58    5.34%     USJE 20102    0.01%     VITA 8999    2.26%
X
Дома / ЕКОНОМИЈА / „Ван Хол“ работи со полна пареа – извезени 100 автобуси во САД
„Ван Хол“ работи со полна пареа – извезени 100 автобуси во САД

„Ван Хол“ работи со полна пареа – извезени 100 автобуси во САД

Белгиската компанија за производство на автобуси „Ван Хол“ најавува дека има намера бизнисот во Бунарџик да го прошири со уште една производна лента.

Компанијата веќе извезла 100 автобуси во САД од погонот во Македонија, а планира проширување и на европскиот пазар.

„Во употреба се веќе три од четирите производни линии и работат со полн капацитет. Во втората половина од годинава во нашиот производен план ќе ги воведеме и моделите за европскиот пазар. Нашата интенција е во првата фаза да произведеме меѓу 400 до 500 возила годишно“, изјави Филип Ван Хол, сопственик и директор на компанијата.

Тој денеска во Бунарџик ги прими вицепремиерот за економски прашања Владимир Пешевски и министерот за странски инвестиции Веле Самак кои отидоа да проверат како им оди работата на странските инвеститори.

Во моментов во фабриката вработени се 430 лица. Компанијата активно соработува и со македонски фирми, на кои им го отвора патот и кон Европа.

„Дел од компаниите кои доставуваат делови за Ван Хол во Бунарџик, ќе бидат користени како добавувачи и за нивната фабрика во Белгија, што значи дека ефектите за зголемување на производството како резултат на странските инвестиции веќе се чувствуваат“, вели Пешевски.

Договори се склучени со „Унипласт“ од Струга за пластични делови и со „Актива“ од Штип кои за „Ван Хол“ изработуваат делови за шасии.

Спонзориран линк:

Дали сакате да добиете 50€ реални пари за тргување на глобалниот финансиски пазар и започнете да заработувате пари? Регистрирајте се овде и почнете да тргувате со 50 евра на светската берза

Одговори