Добивај вести на Viber
Владата се задолжи со нови 33,4 милиони евра на домашен терен . Денеска издаде две обврзници - една тригодишна и една со рок на доспевање од пет години . Преку обврзниците обезбеди близу 10 милиони евра . Доплнително , на денешната аукција беа продадени и тримесечни записи преку кои собра 23,4 милиони евра .
Државните записи , односно задолжувањето на домашниот пазар се главен извор на државата годинава за финансирање на буџетскиот дефицит. Ново задолжување во странство се најавува во јануари идната година, кога со помош на Светска банка ќе се бараат околу 250 милиони евра од комерцијалните банки, со камата од околу 4,5 проценти. Парите ќе се искористат за раздолжување на Владата кон приватните компании, но и за враќање на еврообврзницата од 175 милиони евра што достасува токму на почетокот на 2013 година.