76.504 граѓани имале блокирани сметки на крајот на септември
Објавено во: Финансии 02 Декември, 2016
Бројот на граѓаните кои во септември имале блокирана сметка изнесува 76.504.
Тоа значи дека бројот се намалил за 531 за разлика од март кога НБРМ ги објави податоците за блокирани сметки и кој број тогаш изнесуваше 77.035 .
Тие 76.504 граѓани имале блокирани 179.250 трансакциски сметки, додека според податоците тој број кај правни лица од 120.300 депоненти изнесувал 36.108 блокирани сметки.
Веќе од јануари идната 2017 надлежните најавија дека нема да има блокирање на сметка без да се биде предупреден.
Извршителот ќе треба да го информира должникот оти има долг, а должникот добива три дена за да го подмири. Ако тоа не го стори, дури потоа смее да му биде блокирана сметката.
Извршителите за девет години наплатиле 645 милиони евра
Секоја година во просек извршителите од граѓаните и фирмите наплааќаат по 71 милиони евра. До оваа пресметка се доаѓа ако се знае дека од 2006 до 2014 година, извршителите од граѓаните и фирмите имаат наплатено 645 милиони евра. Во 2014 година, извршителите наплатиле 108 милиони евра.
При тоа, повеќе од половина од сумата, односно 57 милиони евра се наплатена во Скопје. Според официјалните извештаи, извршителите најлесно успеваат да наплатат од граѓаните во Велес, Гевѓелија, Кавадарци, Неготино и Битола, додека наплатата најтешко им оди во Гостивар, Кичево и Тетово.