8 Бизнис совети од Мирјана Свилар Алексовска - Првата дама зад Revlon Professional во Македонија
Објавено во: Мои пари 27 Мај, 2017
Мирјана Свилар Алексовска е дипломиран економист – финансиски менаџер по професија и првата дама зад Revlon Professional во Македонија. Вистинско освежување на бизнис сцената, оваа пријатна и софистицирана дама е упорна, одговорна, трпелива и посветена мајка, сопруга, авантурист и деловна жена која зборува за успесите, искуствата и стратегиите во сопствениот бизнис.
1. По прегратки со двете близначиња и утринското кафе со сопругот, започнува бурниот ден на Мирјана Свилар Алексовска. Состаноците, пла- новите и анализите се нејзино секојдневие, а тоа знае да ве голтне и натера да подзаборавите да им посветите внимание на најблиските. Токму затоа е потребен баланс. „Максимално вложувам енергија да постигнам баланс помеѓу приватниот и професионалниот живот, бидејќи без приватниот живот џабе се професионалните успеси. Семејството и пријателите се една многу важна алка во животот и времето поминато заедно е скапоцено. Компромисот е неизбежен и најчесто трпи сонот, немам многу време за спиење, но кога ќе слушнам: „Мамо, те сакам до небото”, се топам и заморот исчезнува. Сѐ што е споделено со пријателите добива многу поголемо значење и среќата е поголема. Сепак, мислам дека со добра организација може сѐ да се постигне,“ вели Мирјана.
2. „За човек да биде ус- пешен мора да верува во себе и да има визија. Кога знаете што сакате многу е полесно. Патот не е лесен, има многу препреки, подеми и падо- ви, не оди сѐ како подмачкано, но човек мора да е упорен и да работи. Ништо не паѓа од небо. Точно е дека треба да се има среќа, но треба и напорна работа, верба во успех и по- убаво утре и мозокот да се намести да размислува чекор понапред. Најголема мотивација, а воедно и сатисфакција е задоволството кое нашите клиенти го имаат. Многу е убаво кога си ја сакате работата што ја работите, тогаш се работи со полн елан. Мотивација ми е секој нанижен успех, искрена пофал- ба, позитивна критика, задоволство во очите на клиентите.“ Мајчин- ството, од друга страна е допол- нителна инспирација која ја овозможуваат децата, а успехот на сите блиски луѓе во околи- ната ѝ дава дополнителен поттик за постигнување повеќе.
3. Мирјана е жена која најсоодветно и достојно претставува бренд во кој верува и кој ја претставува суштината на женственоста, убавината и креативноста. Пласи- рањето на бренд каков што е Revlon Professional на нашиот пазар бара концепт и стратегија. „Стратегијата е комплексна работа која се состои од многу сегменти кои што влијаат еден на друг. Пред сѐ, важно е да имате визија што сакате да ја постигнете. Стратегијата која што можеби на хартија е совршена нема да биде успешно реализирана доколку нема тим кој добро функционира и кој се надопол- нува. Многу ни е важно нашите вработени да бидат задоволни од работата, да доаѓаат на работа со елан и да си заминуваат со насмевка. Нашата стратегија е долгорочна, комплетно насочена кон задоволување на потребите и желбите на клиентите, буквално допирање и вадење на површина на уникатната убавина која што секоја жена ја посе- дува и зголемување на чувството на моќ и доминација кога жената е задоволна од сопствениот изглед. Revlon Professional ги става на располагање најиновативни третмани за косата и сите најнови трендови во бојадисување и стилизи- рање со цел да се даде слобода на креативноста на професионалните фризери. Синергијата помеѓу Revlon Professional и професионал- ните фризери дава резултати кои најдобро одговараат на личноста на секоја жена и на нејзиниот уникатен стил.“
4.„Задолжително е постојано да се работи на маркетингот и промоцијата на брендот и производи- те со цел да им се приближат на крајните потрошувачи. На ова поле работиме многу и интензивно, како преку директните канали, така и преку индиректните канали на маркетингот. Една од нашите цели е што повеќе индиректно да се приближиме до клиентите и преку осознавање на нивните желби и потреби да креираме соодветна политика на функционирање. Во последно време се многу популарни промоциите преку социјалните мрежи, тоа е канал преку кој најбрзо се дознаваат информациите во време кога темпото на живот е пребрзо. Секој задоволен потрошувач е скапоцена реклама. Присуството на модните случувања каде што се претставуваат новите трендови е интересен дел од промоцијата на брендот. Максимално сме посветени кон претставување и доближување на производите и новите трен- дови и колекции на професионалците, а тоа се фризерите, како и на крајните потрошувачи преку едукации, рабо- тилници, директно и индиректно рекламирање.“
5.Најдобриот совет кој го добила е дека секогаш треба да се биде буден со едното око и да се следи секој сегмент од бизнисот. „Кога станува збор за сопствен бизнис треба да се познава секој еден дел, буквал- но да се биде дел од целокупниот процес и да се работи на добра организација, мотивација, делегирање на работните обврски и задачи и контрола на работењето. Тимот кој победува не се менува, може само да се работи на поголемо задоволство на сите засегнати страни со цел успехот да биде по- голем и гарантиран.“
6.„Постојано си поставувам прашања и се преис- питувам дали некој потег е правилно направен, дали можело нешто подобро да се изведе, како во иднина да биде подобро. Секогаш ме води мислата дека треба да се учи од искуствата (и сопствени, но и туѓи), да се примени сѐ она што мислите дека може да придонесе за поголем успех, а разговорот со вработените секогаш е од помош. Не пос- тои нешто што не може да се научи, само упорност, трпение и работа.“
7. Искрено, мислам дека времето е сменето и дека нема веќе толку женски и машки работи и професии. Жената подед- накво се носи со сите предизвици на животот како и мажот. Сите ние сме многу посилни од што мислиме дека сме. Тоа се докажува во ситуа- ции кога мислиме дека сме на работ да ни се сруши светот и сепак преживуваме и продолжуваме понатаму со крената глава.“
8. „Бизнисот го гледам како сложувалка во која ние сме тие што ги редат делчињата и кога ќе ја заокружиме цели- ната ја добиваме целосната слика. Ако недостасува макар едно делче, сликата е непотполна. Потреба е напорна работа, многу труд, постојани истражувања, поставување на цели кои се повисоки од пре- тходните, упорно, истрајно и посветено работење, функционирање како тим, препознавање на потребите на потрошувачите и нивно задоволување, компромис кој е неизбежен, праведност и правичност, менаџирање на процесите, донесување правилни и паметни одлуки и уживање во успе- сите. Успех е да имаш среќно и насмеано семејство, спокој и мирен сон, искрени пријатели и работа која ја сакаш и ја работиш со љубов. Моја топла препорака е да не се откажувате од соништата, ќе се исполнат кога најмалку ќе очекувате!