22 Јануари, 2018
0.7296
    ALK 7640    -0.13%     GRNT 830    0.73%     KMB 3138.74    -0.42%     OKTA 3200    2.86%     RMDEN16 94.5    0.11%     RZUS 124    9.73%     TETE 2060    3%     TPLF 1798.38    -0.03%

АД Европа со „сладок“ квартал, колку изнесува добивката?

Објавено во: Економија 19 Мај, 2017

АД Европа Скопје има многу „сладок“ прв квартал од 2017-та и во изминатите три месеци благодарение на зголемената продажба во странство, како и на намалување на финансиските расходи за камати, успеа да стигне до речиси двојно поголема добивка во однос на истиот период лани. 

- Од 01.01 до 31.03.2017 година Друштвото АД Европа Скопје оствари добивка пред оданочување во износ од 4.300.429 денари и е поголема во однос на истиот период од претходната година за 154,9%. Вкупните приходи се намалени за 2,6% и изнесуваат 158.315.406 денари. Оперативните приходи за првите три месеци од оваа година изнесуваат 158.008.541 денари и се намалени за 2,6% а финансиските приходи се 306.865 денари и се зголемени за 51,3%, објаснуваат од АД Европа преку Македонска берза.

АД Европа „најслатки“ бројки има од извозот во странство кој е зголемен за околу 17 милиони денари и сега изнесува 91,4 милиони денари. Македонскиот бренд за чоколади има мал пад на домашниот пазар со продажба вредна 72,2 милиони денари или за 2 милиони денари помалку од лани, но тоа не влијаеше премногу на севкупната добивка. Најголемо намалување кај оперативните расходи има во стапката услуги со карактер на материјални трошоци и тоа за 3,5 милиони денари помалку во однос на К1 2016, стои во неконсолидираниот финансиски извештај.

- Расходите за трите месеци се намалени за 4,2% во однос на истиот период од минатата година и изнесуваат 154.014.977 денари. Оперативните расходи за првите три месеци од оваа година изнесуваат 152.936.389 денари и се намалени за 3,8%, а финансиските расходи се 1.078.588 денари и се намалени за 41%. Намалувањето на расходите за 95,8 индексни поени допринесе добивката да се зголеми за 154,9%, стои во образложението на АД Европа. 

Лани АД Европа имаше позитивен квартал, но со оданочена добивка од 1,5 милиони денари, за сега да стигне до „чиста“ добивка од 3,8 милиони денари. 2016-та АД Европа ја заврши со вкупна оданочена добивка вредна 25,3 милиони денари, па останува да видиме дали со овој прв позитивен квартал може да ја достигнат, па дури и надминат вкупната годишна добивка.

Во продолжение прочитајте повеќе и за потенцијалната смена на Сава Димитрова од позицијата претседател на управниот одбор на АД Европа.


Х.С.

Можеби ќе ве интересира

Италијанци со супер-компјутер ќе откриваат нафта

Италијанци со супер-компјутер ќе откриваат нафта

Виза не го признава Биткоинот

Виза не го признава Биткоинот

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

Ќе се зголемат црните трансфери на пари ако се оданочи брзиот трансфер

Ќе се зголемат црните трансфери на пари ако се оданочи брзиот трансфер

Каков преседан направи РКЕ од кој може да учат Собранието, Владата и министерствата?

Каков преседан направи РКЕ од кој може да учат Собранието, Владата и министерствата?

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

Анѓушев: Процесот на продажба на ЕДС ќе биде транспарентен

Анѓушев: Процесот на продажба на ЕДС ќе биде транспарентен

Кои се најбогати луѓе во регионот: Имаат милијарди, а еве и како ги заработиле

Кои се најбогати луѓе во регионот: Имаат милијарди, а еве и како ги заработиле

„Клик Плус“ дебата – Каде водат економските политики на власта?

„Клик Плус“ дебата – Каде водат економските политики на власта?