Адвокатите на загрижениот Трамп истражуваат дали има руски капитал
Објавено во: Свет 13 Мај, 2017
Американскиот претседател Доналд Трамп кој е загрижен од истрагата на ФБИ за неговата поврзаност со руски контакти за време на изборната кампања, сега им нареди на неговите адвокати да извршат внатрешна истрага.
Главната цел му е да открие дали постои прилив на руски капитал во неговите компании и дали тој пак, должи пари на некој руски бизнисмен или руска државна институција со оглед на раширеноста на Трамп брендот.
Засега истрагата на адвокатите не утврдила директна поврзаност со руски пари, освен што изборот Мис Универзум кој го поседуваше Трамп е продаден на руски милијардер за 95 милиони долари.
Трамп го отпушти Џејмс Коми директорот на ФБИ затоа што со месеци водел истрага за него и советниците во предизборната кампања за сите наводи дека остварувале контакти со Русија од каде добивале и конкретни совети и задачи како да ја поразат Хилари Клинтон, а дел од нив добивале и пари.
Ваквото однесување на Трамп покрена истрага и во Сенатот, па можно е скандалот дополнително да се продлабочува. Првите извештаи на адвокатите на Трамп не се објавени пред јавноста, а се кријат и даночните пријави.