АГОНИЈАТА НА РАБОТНИЦИТЕ ТРАЕ: Државата не сака да слушне за маките на Југохромци
Објавено во: Економија 08 Април, 2017
Државата нема слух за маките на вработените во Југохром.
По неколку испратени писма за средби со премиерот во техничката влада Емил Димитриев вчера Југохромци побараа средба со лидерот на ДУИ Али Ахмети.
Како што соопштија од фабриката во Јегуновце цел на средбата би било разгледување на алтернативни можности со кои Југохром би можел да продолжи да работи а бараат Ахмети да се потруди за решение на овој проблем, бидејќи од Југохром зависат 700 вработени од различни националности.
На последното барање до Димитриев Југохромци предупредија за згаснување на фабриката доколку техничкиот премиер не дозволи фабриката да продолжи со работа.
Тие бараат да се пролонгира
рокот за изградба на филтри за отпрашување за да можат повторно да почнат со работа.
„Ова го укажуваме бидејќи во текот на месец април истекува рокот за забрана за работа на Југохром и објективно постои опасност за одземање на А интегрирана еколошка дозвола кое ќе значи дефинитивно затварање на Југохром Јегуновце и опустошување на егзистенцијата на народот во овој крај за кој Југохром беше единствена егзистенција“, реагираа од Југохром.
Доколку ова се случи, Тие директниот виновник за затварањето на Југохром ќе ја сметаат Владата.
Досега Владата и институциите немаат слух за барањата на овие вработени и раководството на Југохром .