Ахмети: Документот на СДСМ нема атомска бомба, се уште анализираме
Објавено во: Македонија 16 Февруари, 2017
Али Ахмети даде прва официјална изјава за понудата која ја доби од СДСМ, но иако даде атрактивна изјава, не откри ништо специфично околу содржината на писмениот документ, ниту дали се блиску до постигнување на договор за нова влада.
„Се прават сите анализи во партијата. Ве уверувам дека документот не содржи атомска бомба. За сите детали ќе бидете информирани. Се работи за конкретни прашања за албанските интереси и ние правиме анализи. Мислам дека секоја избрзана реакција и одговор би имале фатални последици“, изјави денеска Ахмети.
Во СДСМ сѐ уште како одговор ги чекаат потписите на ДУИ за парламентарно мнозинство. Не се разговара за конкретни форми на влада.
Во следниве денови ДУИ повторно ќе седне на заедничка маса со албанскиот блок партии за да се види дали ќе обезбеди поддршка за коалиција со СДСМ и дали тоа е доволно за исполнувања на барањата од заедничката албанска платформа.