АХМЕТИ НЕ ОТСТАПУВА, НЕ ПОПУШТА НИ ГРУЕВСКИ: Владата виси на стаклени нозе-ДУИ не сака да и се врати на „старата љубов“?!
Објавено во: Македонија 13 Јануари, 2017
Политичката состојба никако да почне да се нормализира.
Неизвесноста продолжува, тактичките игри на политичарите исто така. Мандатарот познат, ама коалиционите партнери се уште не.
Прашање е дали Никола Груевски ќе успее да формира владин кабинет до крајот на месецот, според последните случувања и барања од партиите со кои преговара.
Оваа проценка доаѓа откако долгиот коалиционен партнер на Груевски, Али Ахмети вчера пред јавноста ги соопшти условите кои според многумина му се само изговор да не коалицира со „старата љубов“ ВМРО-ДПМНЕ.
Продолжување на мандатот на Специјалното јавно обвинителство е дел од условите на Ахмети , но ВМРО-ДПМНЕ не сака да слушне а камоли да преговара за тој став.
Тоа го потврдија во денешното партиско соопштение во кое уште еднаш „плукнаа“ врз институцијата за која дадоа зелено светло кога се формираше истата.
„СЈО нема никаква врска со правдата, тоа е политички инструмент во рацете на еден центар на моќ и нивните домашни инструменти за уцена на секој политичар кој ќе се бори за националните интереси на македонскиот народ и државните интереси на Македонија, и нејзините граѓани. СЈО е копче кое ќе биде стиснато секогаш кога било кој ќе се осмели да не игра така како што некој од надвор му сервира и диктира“, децидни се од партијата на екс премиерот.
Но, не е само СЈО пречка меѓу долгогодишните партнери.
ВМРО-ДПМНЕ не прифаќа рамноправна употреба на албанскиот јазик на цела територија на Македонија.
Ова е дел од условите на Ахмети, за што Груевски, ВМРО-ДПМНЕ и коалицијата „За подобра Македонија“ нема да преговараат ниту пак ќе дозволат промена на уставниот поредок со цел двојазичност на целата територија .
Меѓутоа, само ДУИ прифати да седне на преговарачка маса со владеачката гарнитура и неодамнешен партнер во однос на формирање на владин кабинет.
Ахмети по ова прашање рече дека е сосема нормално за влада да преговара со партијата која добила најмногу мандати, но додаде дека во игра се сите опции.
Ахмети не ја исклучи ниту опцијата за нови избори, доколку на преговорите не биде прифатена платформата потпишана од ДУИ , Беса и Алијансата за Албанците.
Она што засега е извесно, е дека идната Влада виси на конец.Можеби ќе ве интересира
(ВИДЕО) ГРУБИ СО КУФЕР ДОЈДЕ ПРЕД ОПШТИНА ЧАИР: Сега земете го куферот и одете дома
ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста
Скендер Реџепи: На 8 мај нема да гласам ни за едниот, ни за другиот
„До последно се бореше, следеше настани и не се предаваше“: еве што кажа ќерката на Џаро, за неговите последни денови
КУЌЕН ПРИТВОР И МЕРКА НА ПРЕТПАЗЛИВОСТ ЗА ТАТКОТО НА ВАЊА: Врховен го преиначи решението на Апелација
Кајчев по првиот круг претседателски избори: Можно е да се влошат македонско-бугарските односи
„ЏАРО ИМ ПЛАТИЛ НА ФУДБАЛЕРИ ДА ИГРААТ КАКО ШТО ТОЈ САКА, А ВО МАКЕДОНИЈА НАМЕСТИЛ НАТПРЕВАР ДА ЗАВРШИ 134 НАСПРЕМА НУЛА“: Српските медиуми за Џаровски
ЗА УБИСТВОТО НА ВАЊА: Таткото со нова жалба пред Врховен за притворот
„СО ПУШКА ДОЈДОА НА ВЛАСТ, СО ПЕНКАЛО ДА ГИ ОТЕРАМЕ НА БУНИШТЕТО НА ИСТОРИЈАТА“ - Стојанче Ангелов бара општа мобилизација за „Твоја Македонија“
