Ахмети пред локални: Законот ќе важи еднакво за сите
Објавено во: Македонија 25 Септември, 2017
Али Ахмети, лидерот на ДУИ, на партиската конвенција пред изборите истакна дека ќе се залагаат за градење на правна држава во која законот ќе важи еднакво за сите. Тој е свесен дека во досегашниот тек на владеење правеле и грешки, но никогаш не се тргнале од зацртаната цел.
– На овој долг и тежок пат може се направени пропусти бидејќи кој работи може понекогаш и да згреши. Но нашата цел нашата дестинација никогаш не сме ја промениле, а тоа е да продолжиме во нов дух заедно со вас. Ве повикувам да продолжиоме со промовирање на вредностите на ДУИ. Вредностите на толеранцијата, солидарноста, на помирувањето, на консензуалноста, на одговорноста, на храбрите одлуки и евроамериканскиот дух. Но имаме многу работа пред нас и овие работи се вршат со храбри луѓе, со искусни кои не разочаруваат – истакна вчера Ахмети во Скопје.