Airbnb „капитулира“ пред Њујорк
Објавено во: Економија 04 Декември, 2016
Airbnb се договорила да се откаже од случајот против Њујорк, во кој се спорат санкции против луѓе кои ги објавуваат своите домови за краткорочно изнајмување на најголемиот пазар на компанијата во САД, пишува Bloomberg.
Во замена за тоа регулаторите нема да наложат казни против самата компанија, соопшти Линда Розентал, член на локалниот парламент од Менхетн. Официјалните претставници рекоа уште дека случајот никогаш немал за цел директно да гони Airbnb на каков и да е начин.
Розентал го опиша договорот како целосна капитулација на компанијата.
Законодавството на државата наметнува казни против луѓето кои нудат сместување за помалку од 30 дена, а казните може да достигнат 7.500 долари. Airbnb поднесе тужба за да го блокира законот откако беше усвоен на 21 октомври, тврдејќи дека ограничувањата се спротивни на Уставот. Еден месец подоцна Airbnb постигна договор со Њујорк, при што и двете страни се согласија дека примената на законот зависи од одлуката на градот.