23 Јануари, 2018
0.5248
    ALK 7698.52    0.63%     AUMK 1700    0.06%     GRNT 830    0.73%     KMB 3135.87    -0.52%     MPT 28907    -3%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TEH 140    -6.67%     TEL 283    1.07%     TETE 2060    3%     TKVS 3106    -3%     TPLF 1798.38    -0.03%     TTK 950    -0.12%     ZPKO 2700    -0.37%

Ако Ахмети го обезвласти Груевски сите негативни политички игри ќе завршат

Објавено во: Анализа 04 Февруари, 2017

Се додека ДУИ не донесе конечна одлука дали ќе се реши на коалиција со СДСМ и останатите албански партии ќе продолжи оваа бескрајна политичка агонија која трае уште од Пржинскиот процес. Кога ДУИ веќе не може да му ја возврати „љубовта“ на Груевски тогаш вистинско прашање е што го спречува Ахмети да му го сврте грбот на ВМРО-ДПМНЕ, дали постои некаков страв или задржување за кое јавноста сеуште не е информирана. 

Една можност е стравувањето од дестабилизација на Македонија ако ВМРО-ДПМНЕ биде во опозиција и биде изигран од албанските партии во корист на Заев кој има само 49 пратеници. Тогаш Груевски може да ги повика своите сеуште лојални следбеници да излезат на радикални протести кои би извршиле огромен притисок врз новата влада и би издејствувале нови избори. 

Веќе и од ДУИ стигнуваат сигнали дека во оваа фаза договор со Груевски практично е невозможен. Можеби неизвесноста овој период се должи на внатрешни преговори меѓу СДСМ, ДУИ, БЕСА и Алијансата околу албанската платформа како и поединечните барања на секоја од партиите за поделба на владиниот колач, па само прашање на време е кога ќе се соберат побараните 61 потпис со кои ќе му се докаже на претседателот Иванов дека е обезбедено новото парламентарно мнозинство. 

Тука може да има уште една стапица со која Иванов би одбил да им го довери мандатот за што тој однапред си го подготви теренот со несфатливите прерогативи да бара гаранција на унитарноста и безбедноста на државата. Претседателот нема никакви овластувања да наметнува било какви услови за формирање на новата влада и токму во овој дел тој излезе од уставот, но затоа пак си обезбеди алиби за да не го даде мандатот на Заев. 

Тоа може да биде засилено и со потенцијална оставка и форсирање на нови парламентарни, претседателски и локални избори кои ќе се одржат симултано, а со тоа што ВМРО-ДПМНЕ сеуште е на власт и ги контролира институциите ќе може да издејствува нова, овој пат посилна победа доколку народот ја прифати нарацијата за државни и странски непријатели, федерализации, двојазичности и што уште не. 

Затоа во овој момент Ахмети треба да донесе правилна одлука, дали ќе остане дел од власта за која секако и самиот тој и ДУИ имаат голема вина за одредени погрешни политики или пак, ќе се реши да ризикува и целосно да го обесвласти Никола Груевски кој кога ќе нема толкава контрола над државниот апарат ќе нема ни простор за различни негативни сценарија.

Автор: Христијан Станоевиќ


Можеби ќе ве интересира

Со жалење пренесени националистичките протести во Грција и прогласот на предавници

Со жалење пренесени националистичките протести во Грција и прогласот на предавници

Како Владата ќе ја оцени „петката“ на Нимиц?

Како Владата ќе ја оцени „петката“ на Нимиц?

Владата ќе ја оценува „Рамката“ на Нимиц

Владата ќе ја оценува „Рамката“ на Нимиц

Што чека ВМРО-ДПМНЕ за да се вклучи во консензус за името?

Што чека ВМРО-ДПМНЕ за да се вклучи во консензус за името?

Нимиц со терминот „Македонија“ за решението ги побесна грчките десничари

Нимиц со терминот „Македонија“ за решението ги побесна грчките десничари

ПАВЛОВСКА-ДАНЕВА: Законот за јазиците не може да се носи без опозицијата

ПАВЛОВСКА-ДАНЕВА: Законот за јазиците не може да се носи без опозицијата

Дали Мицкоски екипираше јаки кадри во новата структура на ВМРО-ДПМНЕ?

Дали Мицкоски екипираше јаки кадри во новата структура на ВМРО-ДПМНЕ?

Активно вклучување на бизнис-заедницата во Берлинскиот процес, за долгорочен развој

Активно вклучување на бизнис-заедницата во Берлинскиот процес, за долгорочен развој

ЧУПЕСКА - СТАНИШКОВСКА: Во Струмица ќе нема двојазични униформи

ЧУПЕСКА - СТАНИШКОВСКА: Во Струмица ќе нема двојазични униформи