Ако барате работа во Европа сега НЕ е вистинското време! Еве зошто…

Добивај вести на Viber

Повеќето работодавци на глобалниот пазар на трудот се помалку се сигурни дека ќе ангажираат работници, за разлика од почетокот на годината. Ова укажува на тешки времиња за оние кои се во потрага по работа, покажуваат податоците за првиот квартал од следната година на компанијата за посредување при вработување „Manpower“. Истражувањето на плановите за вработување во првиот квартал на следната година покажува слаба прогноза за нови вработувања во 29 од 42 земји вклучени во исртажувањето, соопшти водечката компанија во делот на вработувањата. Слабото расположение за нови вработувања е најмногу евидентно во Европа, каде што работодавците во 13 од 24 земји опфатени со анкетата дале негативни проигнози за вработување во првиот квартал на 2013 година. Само пред три месеци, лошите  предвидувања дојдоа од 8 земји, наспроти сегачните 13. Најоптимистичките планови за вработувања во првиот квартал на следната година, објавени се од страна на работодавците во Тајван, Индија, Бразил, Мексико, Колумбија и Панама, додека најпесимистички се во Грција, Италија, Шпанија, Словачка, Словенија и Холандија. „Компаниите во светот избегнуваат да инвестираат поради големата несигурност, а тоа вклучува и нивно вложување во работна сила и нови вработувања,“ изјави претседателот и извршен директор на „Manpower“, Џефри Џоерс. „Во Европа повеќето компании велат дека ќе го намалат бројот на работниците за да се прилагодат на послабата побарувачка. Факт е дека работодавците од седум европски земји објавија најниска прогноза откако почнавме да ги следиме трендовите во вработувањето“, вели Џоерс кој додава дека сепак  компаниите мора да најдат начин да го усогласат бројот на своите вработени со неизвесната побарувачка за нивните производи и услуги, а тоа не е лесно.