Алими до пратениците од ВМРО ДПМНЕ: Почитувајте ја Албанија, таа прва ја призна Македонија
Објавено во: Македонија 25 Април, 2017
Да прекине злоупотребата на собраниската говорница и да се решаваат реалните проблеми на граѓаните побара денеска во Собрание од колегите од ВМРО ДПМНЕ Ејуп Алими.
Пратеникот на ДУИ побара од пратениците од ВМРО ДПМНЕ да не упатуваат непријателска реторика кон соседна Албанија, затоа што таа секогаш имала добри намери кон Македонија.
„Во Тирана сме биле и ќе одиме. Би побарал од вас да ја почитувате Албанија како соседна земја. Таа ни е пријателска земја и има придонесено за мирот и демократизацијата на оваа држава. Таа е првата која ја призна Македонија, под нејзиното име. Да се вратиме на реалните проблеми во државата, а тоа се нефункционални општини, нефункционално собрание, техничка влада, и не верувам дека еден ден ќе имаме и техничка држава“, рече пратеникот на ДУИ Ејуп Алими.
И денешната конститутивна собраниска седница помина во исто темпо како и досега.
Истата продолжува утре во 11 часот.