АМБИЦИОЗНОСТ ДО БЕСКРАЈ: Турција планира да изгради нови туристички дестинации

Добивај вести на Viber

И покрај тешката 2016 година, која беше одбележана со големи финансиски загуби, Турција e оптимист за иднината. 

Оваа година земјата очекува раст на бројот на туристите не само од Европа и Русија, но и на долгорочен план земјата има амбициозни планови.

До 2023 година Турција планира да пречека 100 милиони туристи кои ќе потрошат во земјата 100 милијарди долари, пишува турскиот весник Нurriyet Daily News. За остварување на овие цели, Турција планира да ги развива нетуристическите области на земјата.

Инвестициите во нови области ќе започнат со развојот на Тарс во Источниот Медитеран, определен за Европејците и Русите. Вториот регион ќе е од аеродромот Трабзон до аеродром Орду-Гиресун во Црното Море - за туристи од земји со топла клима, особено за жителите на арапските земји. Третата област во која Турција ќе направи инвестиции во блиска иднина - културниот коридор од регионот на западна Анадолија до внатрешна Анадолија. Оваа нова дестинација ќе биде наменета за туристи од целиот свет.

Создавање на нова меѓународна туристичка дестинација во области кои традиционално не се посетуваат од туристи е скапа инвестиција. Новите области имаат потреба од 150 илјади легла во хотелите, плус инвестиции во инфраструктурата: изградба на аеродроми, патишта, болници, трговски центри и др. Според податоци на Банката за развој за секоја територија се потребни од 18 до 20 милијарди долари.

Турскиот меѓународен бизнис туризам настрада поради регионални и политички настани. Безредијата и граѓанската војна во соседните земји, вклучувајќи ги оние во Ирак и Сирија имаа ефект врз Турција, која веќе не се гледа како толку безбедна туристичка дестинација, како што некогаш беше. Овие стравувања доведоа до загуба на милиони туристи и приближно 15 милијарди долари годишни приходи за земјата.