Амди Бајрам: нормално е да сум секогаш со власта
Објавено во: Македонија 20 Февруари, 2018
Вчерашни гости на „Само вистина“ на Канал 5 беа Амди Бајрам и Виктор Канзуров.
На прашањето упатено до пратеникот Амди, од страна на новинарката дали останува на тоа секогаш да биде со власта,тој одговори дека тоа е точно и дека е сосема нормално.
„Точно е дека јас сум секогаш на власт. Секогаш сум кажувал дека кој е на власт, јас сум со вас. Нормално е да бидеш во власта, бидејќи јас сум единствен Ром во Собранието и сам ништо не можам да направам. Груевски доста направи за нас Ромите и јас тоа го ценам. Задоволни сме од таа коалиција, но со заминувањето на Груевски и јас ја напуштив таа коалиција“, рече Бајрам.
Амди Бајрам ја прекина коалиција со ВМРО-ДПМНЕ откако партијата замина во опозиција и изрази желба да премине во парламентарното мнозинство предводено од СДСМ и премиерот Зоран Заев.