Ресторани се солидаризираат со имигрантите - каква порака испраќаат до Трамп?
Објавено во: Свет 16 Февруари, 2017
Повеќе ресторани во Вашингтон, денеска одлучија да ги затворат своите врати во знак на револт поради политиката на претседателот на САД, Доналд Трамп кон имигрантите.
Тие организираат „Ден без имигранти”: „Имигранти без документи, граѓани, имигранти од целиот свет, обединете се!”, може да се прочита на социјалните мрежи во повикот да се поддржи овој штрајк на незадоволство од анти-имигрантската политика на Трамп.
Штрајкот е организиран на социјалните мрежи и го повикува Трамп да разбере дека без имигрантите САД е парализирана земја.
Ако ги нема имигрантите во американските ресторани нема да може да биде послужена храна, нема да можат да бидат исчистени тоалетите, нема да можат да бидат снабдени ресторанските кујни. Велат дека без нив САД би била парализирирана земја.
Освен во Вашингтон штрајк ќе има и во Њујорк и Филаделфија.
Познатите готвачи во Филаделфија, Стивен Стар и Американецот со потекло од Еквадор, Хозе Гарсес, не рекоа дека ќе ги затворат нивните ресторани во текот на денот, но тие ветуваат дека нема да ги отпуштат или на друг начин да ги санкционираат вработените кои ќе одлучат да учествува во „Ден без имигранти“.
„Знаеме имигрантската група е суштински дел на туристичката индустрија. Ние го поддржуваме правото на вработените во туристичката индустрија да биде слушнат нивниот глас“- вели Гарсес.
Одлуката да не се отвори ресторанот дури и за еден ден е особено тешко за оние кои поседуваат мали бизниси.