(ВИДЕО) Андон Јанев Ќосето замина, на негово место никнува дрво „за човекови права“
Објавено во: Македонија 22 Февруари, 2018
Денес на прес-конференција градоначалникот на Град Скопје, Петре Шилегов, изјави дека на местото каде што стоеше постамент со спомен обележје на Андон Јанев Ќосето за кој се констатираше дека е дивоградба, ќе се насади дрво „за човекови права“ под кое ќе биде изгравиран Членот 10 од Општата повелба за човекови права на Обединетите нации.
Шилегов вели дека дивоградбите веќе нема да се толерираат во Скопје. Во врска со тајмингот кога е отстранет споменикот, градоначалникот изјави дека тоа е сторено во доцните часови за да не се кочи сообраќајот на улицата, поради трите големи возила што беа донесени за отстранувањето, како и да не се спречи работата на судовите што започнуваат со работа во утринските часови.
„Постаментот од минатата влада беше поставен „шверцерски“ во раните утрински часови, без никој да види, бидејќи знаеле дека е дивоградба“, рече Шилегов.
Дрвото кое ќе биде насадено на местото на постаментот ќе биде набавено од Нинберг и e од видот гинко, пренесе „Макфах“