Аневски без коментар за Крвавиот четврток - Ги видел снимките, но не и предметот
Објавено во: Македонија 25 Мај, 2017
Претседателот на советот на јавни обвинители Петар Аневски не сакаше да даде коментар за тоа дали обвиненијата за насилството во собранието на Крвавиот четврток се преблаги за учество во толпа, бидејќи како што рече, немал увид во предметите, а не сакаше ниту даде оценка за тоа што го видел во снимките.
„Од мојата пракса, додека не го видам предметот не можам ништо да кажам. Снимките ги видов, ама не го видов предметот.“ - изјави Аневски.
Инаку Советот на јавни обвинители денеска повторно ја одложи седницата, на која требаше да се изберат двајца обвинители во Вишото јавно обвинителство во Скопје и еден во Републичкото, но немаше поддршка од мнозинството..
Извор: Телевизија 24