АНКЕТА НА ТЕЛМА: Над 40 проценти веруваат дека зад упадот во Собранието стои ВМРО-ДПМНЕ
Објавено во: Македонија 18 Мај, 2017
Во најновата анкета на телевизија Телма и на МЦМС, направена од 10 до 15 мај, на прашањето кој стои зад нападот во Собранието, 40,5% од анкетираните изјавиле дека тоа е ВМРО-ДПМНЕ, 20% одговориле дека толпата влегла спонтано.
Од испитаниците 8,7% сметаат дека упадот бил спроведен од странски служби, 4,6% – СДСМ, а 25,4% одговориле дека не знаат.
Високи 81,3% од испитаниците не го оправдуваат насилството врз пратениците што се случи во Собранието, а 6,1% одговориле дека насилството врз пратениците е оправдано.
62,2% од испитаниците одговориле дека очекуваат правна разврска и фер судење за настаните во Собранието, а 28,9% не очекуваат.
На прашањето дали постапките на претседателот Ѓорге Иванов придонесуваат за смирување или влошување на политичката криза, 48,6% рекле дека тој ја влошува политичката криза, 38% сметаат дека неговото однесување придонесува кон смирување на кризата, а 13,3% одбиле да одговорат.
Изборот на Талат Џафери за претседател на Собранието, 50,3% од испитаниците не го одобруваат, а 49,1% го сметаат за нелегитимен неговиот избор.
Можеби ќе ве интересира
БАЈРАМИ: Во Бучим гласач го покажал ливчето на набљудувач пред да го пушти во кутијата
БОЈМАЦАЛИЕВ: Не се забележани поголеми нарушувања или инциденти
МВР: Регистрирани се две фотографирања на гласачко ливче во Скопје и Штип
ОДЗИВ ДО 11 ЧАСОТ: Гласале 12,78 отсто или 229.417 избирачи
ИЗЛЕЗНОСТ ПО ОПШТИНИ: Како тече гласањето ширум Македонија?
МАКЕДОНИЈА ГЛАСА: Обвинителството го следи изборниот процес за евентуални кривични дела
ДЕНЕСКА Е НЕРАБОТЕН ДЕН: Македонците се упатија кон Грција
