„Apple“ си ја врати круната: Повторно најскапа компанија во светот
Објавено во: Финансии 03 Февруари, 2017
Apple повторно е најскапaта јавна компанија во светот, откако во средата му ја предаде круната на основниот конкурент - Google.
Компанијата од Купернио сепак беше на второто место само еден ден. За време на седницата во средата акциите на Apple поскапеа со над 6%, а пазарната капитализација достигна 676.94 милијарди долари. Во номинални услови зголемувањето се проценува на 40 милијарди долари во рок од само еден ден.
Причината за драстичното поскапување се крие во резултатите на компанијата при продажбата на iPhone во четвртиот квартал. Apple има продадено 78.29 милиони смартфони во периодот октомври - декември. За истиот период минатата година компанијата продаде 74.78 милиони уреди, а прогнозите на аналитичарите беа за 77.42 милиони парчиња.
Пресметковниот период го одразува пуштањето на новиот iPhone 7, кој се совпаѓа и со светското забавување при продажбата на „паметни“ уреди на глобално ниво, како и појавата на бројни евтини Android уреди.
Приходите на компанијата исто така ги надминаа очекувањата. При прогнозирани 77.25 милијарди долари Apple предвиде 78.35 милијарди долари.