АРИАНА СЕ ВРАЌА НА МЕСТОТО НА ЗЛОСТОРСТВОТО: Гранде со хуманитарен концерт во Манчестер ќе се бори против омразата
Објавено во: Свет 27 Мај, 2017
Американската пејачка Ариана Гранде најави дека ќе одржи во Манчестер хуманитарен концерт посветен на жртвите на самоубиствениот бомбашки напад.
При нападот кој се случи надвор од салата по нејзин концерт во Манчестер, загинаа 22 лица, повеќето деца и млади луѓе, а бројот на повредените е над 100. По нападот на „Исламска држава“ Гранде одлучи да ја прекине својата турнеја.
Во писмо до своите фанови, објавено и во Twtitter, пејачката ветува дека ќе се врати во Манчестер за да oдржи „хуманитарен концерт за собирање на средства за жртвите и нивните семејства“, пишува Reuters.
Гранде изразува и длабоко сочувство на тага за оние кои загинале и за семејствата кои тагуваат за блиските.
„Не сакам да го поминам остатокот од годината без да можам да видам и да поддржувам фанови по начинот на кој тие ме поддржуваат мене“, додаде таа.
Пејачката не прецизира кога точно ќе одржи концерт, но вети дека ќе обезбеди детали во најскоро време.
„Нема да се откажеме, нема да работиме во страв. Нема да дозволиме тоа да не раздели. Нема да дозволиме омразата да победи“, дополнува Гранде.
— Ariana Grande (@ArianaGrande) May 26, 2017