Асанж нуди пари за информации кои ќе го откријат убиецот на малтешката новинарка
Објавено во: Свет 17 Октомври, 2017
Џулијан Асанж, oсновачот на Викиликс понуди 20.000 евра за информации за убиството на познатата новинарка oд Малта, Дафне Каруана Галиција која загина при експлозија во автомобилот.
„Згрозен сум од веста дека малтешката истражувачка новинарка Дафне Каруана Галиција е убиена со автомобил-бомба во близина на својот дом. Давам награда од 20.000 евра за информации кои ќе доведат до осудување на нејзините убијци“- објави Асанж на Твитер.
Таа е убиена влера со автомобил-бомба. Беше позната како остра критичарка на власта, која премиерот на Малта Џозеф Мускат го обвини за корупција во скандалот Панама документи (Panama Papers). Новинарката е убиена четири месеци по победата на неговата партија на предвремени избори, кои ги распиша поради нејзините обвинувања.
Државната телевизија објави дека новинарката пред две недели поднела пријава во полиција за закани. Полицијата отвори истрага за убиството.
Синот на новинарката, Метју изјави дека неговата мајка е убиена затоа што ја разоткрила корупцијата во државата.