Атанасов: Новата влада на прва седница ќе го укине екстерното
Објавено во: Македонија 24 Март, 2017
Oвој јуни нема да биде најстресниот месец во годината за учениците, наставниците и родителите, порача денеска на прес-конференција, Петар Атанасов, претседател на Комисија за образование на СДСМ.
- Новата Влада уште на првата владина седница ќе го укине нелогичното екстерно тестирање, кое што освен притисоци врз учениците и казни за наставниците, не донесе ништо добро на образованието. Квалитетот на образованието ќе го обезбедиме според меѓународни практики, но и со домашен ум и умеење, единствено по пат на мотивација и награди. Подготвени сме на големи промени. Ќе направиме крупни реформи за обезбедување вистински, успешен, модерен, европски образовен модел. Помалку предмети, настава соодветна за возраста и потребите на младите, наставници ослободени од административни обврски, посветени на учениците - рече тој.