БАЛКАНОТ КАКО ЧЕРНОБИЛ: Загадениот воздух ги убива луѓето!

Добивај вести на Viber

Во земјите од западен Балкан моментално оперативни се 15 термоелектрани од кои наголемо зависат овие земји.

„Тузла во наредните неколку години ќе биде како Чернобил. Ќе биде како куќа без души“, истакнува Тузлакот Горан Стојак.

Во ова подрачје на БиХ воздухот можеби е и најзагаден во Европа, а локалното население заболува од рак на белите дробови.

Светската здравствена организација ја смести Тузла меѓу 10 најзагадени градови во Европа.

На оваа листа се наоѓаат дури пет градови од Балканот. Освен Тузла, на листата се Пљевља, Скопје, Тетово и Ботола.

Се наведува дека посебно во зима повеќе од 110 000тузлански граѓани се гушат во воздухот кој има лош квалитет. Во селото Дивковиќи просечната старосна возраст во која умираат луѓето е 42 години.

Експертите проценуваат дека термоелектраните од Балканот имаат ефект и на здравјето на населението во други европски држави, бидејќи штетните честици се пренесуваат по пат на ветерот.

Анализите покажале дека штетните честици во Тузла се и до 30 пати над скалата која ја препишуваат европските стандарди, додека бројот на луѓе заболени од рак на бели дробови пораснал за 33 посто во изминатите години.

Утрово во главниот град на Македонија, пак загадувањето е во границите на нормалата.