Банкарско спојување – Зираат Банка со Халк банка

Добивај вести на Viber

Комисијата за хартии од вредност соопшти дека на Халк банка и' дала одобрение да издаде 11- та емисија на долгорочни хартии од вредност, со што ќе ја зголеми основната главнина за да се реализира присоединување со Зираат банка. „Со единаесеттата емисија на акции, Халк банка ќе издаде 100.954 обични акции, со вкупна продажна вредност од 1 милијарда денари. Оваа емисија на Халк банка ќе се реализира како приватна понуда, бидејќи е наменета за институционалниот инвеститор - Т.Ц. Зираат банкаси А.С. Туркиш, кој е единствен акционер на Зираат банка“, соопшти Комисијата за хартии од вредност. Турската Халк банка е во мнозинска државна сопственост и има своја банка-ќерка во земјава. Таа во април минатата година ја презеде скопската ИК банка, со зголемување на уделот во банката до нивото од 91,6 отсто. Со тоа го зголеми и вкупниот капитал на Халк банка - Скопје до над 30 милиони евра. Во август лани, пак, капиталот на македонската Халк банка порасна за 24 милиони евра преку нова емисија на акции. Акциите ги купи турската Халк банка.