Добивај вести на Viber
На словенечките банки им претстои четврта последователна година на негативни деловни резултати, ова е прогнозата за Нова љубљанска банка и Нова кредитна банка Марибор кои се најголеми во земјата.
Според пресметките на Централната банка по неоданочената загуба од 101,2 милиони евра во 2010 и 539,1 милиони во 2011, во првите десет месеци од 2012 банките загубиле 155,3 милиони евра што е зголемување од 25%, пренесе агенцијата СТА.
Главната причина лежи во отписот на долгови и издвојување пари за покривање на можни идни лоши заеми во вкупна сума од 840,3 милиони евра што е за 19% повеќе во однос на првите десет месеци од 2011.