Барана професија, а сепак кандидати нема
Објавено во: Финансии, Балкан 21 Декември, 2016
Ѕидари се бараат во Хрватска и во странство, но кандидати за работа нема.
Оваа професија е трета најбарана во земјата. Моментално се бараат 441 работник, а градежниците се веднаш зад угостителските и услужните работници.
Како што пишува Глас Славонија, за оваа професија не се чека работа, туку работата ги чека работниците, а учениците се поттикнуваат со стипендија за оваа професија. Сепак интересот е мал и сведен на симболични бројки. Во средното училиште во Ѓаково само 8 деца се школуваат за ѕидари.
Се наведува дека причини за малиот интерес се тоа што станува збор за тешка професија, се работи по цел ден, работниците се на отворено.
Во текстот на Глас Славонија пишува дека оваа професија ја бираат само децата со послаби оценки и тоа е една лоша реклама.