Бејли: Друг руски гасовод нема да донесе чист воздух
Објавено во: Македонија 16 Декември, 2017
Руската и американската амбасада излегоа со ставови на Твитер пред два дена, и ова многу од корисниците на оваа социјална мрежа го нарекоа „Tвитер војна”.
„Загаденоста на воздухот е толку голема денеска, што е многу тешко да се види амбасадата! Какви идеи имате за почист воздух во Македонија”- стоеше во објавата од американската амбасада.
Неколку часа подоцна со своја реакција се јави руската амбасада.
„Ако нашите пријатели од американската амбасада бараат решенија за загадениот воздух во Македонија, ние би сакале да помогнеме со решение”- напишаа од руската амбасада.
Вчера на Твитер се огласи и американскиот амбасадор во Македонија, Џес Бејли, според кој друг руски гасовод нема да донесе чист воздух во Македонија.„Ги прашавме македонските граѓани прашање за блиски чекори до чист воздух. Друг руски гасовод нема да го стори тоа. САД ја поддржуваат желбата на Македонија да го доведе гасот во македонските градови и разновидноста во снабдувањето со гас за Македонија и Европа”- стои на профилот од амбасадорот Бејли на Твитер.
Тој вели дека нема никаква „Твитер војна“.