Бензинот во Грција поскапе до 2 евра за литар

Добивај вести на Viber

Повторно поскапе бензинот во Грција. На дел од островите цената на литар безоловен бензин достигна до 2 евра за литар. Во Грција секоја година по островите се покачува цената на горивата, но во рамките на неколку евро-центи. Просечната цена на безоловниот бензин во моментов за земјата се зголеми за 3 центи изминатите две недели. „Сосема неосновано е на бензинските пумпи сопствениците да продаваат литар гориво за 2 евра“, коментираат експерти од енергетскиот сектор. Тие сметаат дека се шпекулира со тензиите во Сирија. Во споредба со континенталниот дел на земјата разликата во цената на бензините е околу  30 центи, што е недозволиво, велат експертите. Во големите градови - Атина, Солун, Пиреја максималните цени се 1.73 евра за литар. Од Здружението на потрошувачите на Грција побараа итна проверка на бензинските пумпи на островите. Денеска Министерството за економија и финансии испрати свои експерти на островите, каде веќе неколку дена се продава бензин по 2 евра за литар.