БЕРЛИН: Со автомобил влетал во луѓе на станица
Објавено во: Свет 11 Ноември, 2017
Mаж влетал со автомобил меѓу луѓе кои стоеле на автобуска станица во берлинскиот кварт Рајникендорф.
Лицата успеале навреме да се тргнат, а возачот избегнал.
Портпаролката на полицијата, Валеска Јакубовски информираше дека инцидентот се случил синоќа и дека трагаат по возачот. Таа вели дека е утврдено дека автомобилот бил изнајмен од маж од мароканско потекло и дека полицијата го пребарала неговиот стан, но не успеала да докаже дека тој го возел автомобилот.
Германските медиуми јавуваат дека возачот откако влетал на станицата, нагло свртел, преминал на тротоарот на спротивната страна на улицата и оттаму побегнал.
Нападите со автомобил зачестија. Вчера напад во автомобил имаше во францускиот град Тулуз, при што беа удрени кинески студенти.