БЕРЗА: Овие три акции се најдоа на листата на “милионерите” со промет над 10 милиони денари
Објавено во: Економија 08 Април, 2017
Со истргувани 5 282 лотови преку 59 трансакции берзата го затвори вчерашниот ден со промет над 10 милиони денари.
Акциите кои остварија промет од 10.9 милиони денари беа акцијата на Алкалоид АД Скопје, Македонијатурист и Комерцијална банка.
Најмногу се тргуваше со хартиите од вредност на Алкалоид АД Скопје која оствари промет од 3,1 милиони денари и раст на цената од 1,08 отсто. Притоа со нив се истргувани 541 лота по просечна цена од 5.899,04 денари
После Алкалоид најтргувана беше акцијата на Македонијатурист со која се истргуваа 746 лотови по цена од 3.550,00 денари. Трета на листата најтргувани акции беше Комерцијална банка со промет од 2,3 милиони денари. Нејзините акции се тргуваа по просечна цена од 2.799,63 денари.
Индексот МБИ-10 заврши со раст на вредноста од 0,24 проценти, додека индексот ОМБ беше со пад на вредноста од 0,88 отсто.
Прометот кој Македонска берза го оствари во месец март изнесува 354.663.073 денари.