БЕШЕ ТУРИСТИЧКИ РАЈ, стана воена зона: Европјаните како луди бегаат од ова место!
Објавено во: Свет 20 Јануари, 2017
Во Гамбија моментално врие политичка криза, а туристичките агенции се приморани да евакуираат илјадници туристи кои отпатувале од Европа.
После пропаста на последниот дипломатски обид претседателот на Гамбија Јахја Џамех да се натера да го признае изборниот пораз, војската на Сенегал најави дека ќе ја премине границата и ќе интервенира.
Полковникот Абдоу Ндиаие наредил војската да влезе во Гамбија ако Џамех не се согласи на мирен пренос на власт до рокот.
„Подготвени сме. Ако не се најде политичко решение, ние ќе се вклучиме“.
Регионалната сила која се подготвува на инвазија ја сочинуваат војници од Сенегал, Гана, Тога, Малија и Нигерија, под патронат на Економската заедница на западноафричките држави која го повика Џамех да отстапи.
Џамех , кој владее со Гамбија веќе 22 години, прво после изборите во декември му честиташе на опозициониот кандидат Адами на победата. Меѓутоа, набрзо после тоа, се предомислил и објавил дека нема да отстапи од функцијата.
Повеќето министри веќе дале оставка и ја напуштиле земјата.
Џамех прогласил и 90-дневна вонредна состојба , денот пред да се повлече од власт.
Итна евакуација на туристи
На аеродромот Банјул состојбата е хаотична. Откако е прогласена вонредна состојба, британскиот Форин офис издаде упатства на своите граѓани да го избегнуваат патувањето во Гамбија и туристичките агенции одлучиле да ги евакуираат своите клиенти.
Илјадници туристи се качиле во автобуси кои водат од одморалишта и чекале редови на аеродромите за првиот лет од земјата. 1000 од нив се евакуирани веднаш, а уште околу 2500 туристи чекаат да се воведат вонредни избори.