Без одговор на поканите на Груевски СЈО не може да покрене обвинение за „Талир“
Објавено во: Македонија 26 Јуни, 2017
Истрагата „Талир“ која ја води СЈО најверојатно нема да добие обвинителен акт затоа што Груевски меѓу другите осомничени не ги примил ниту се одзвал на поканите за увид. Специјалното јавно обвинителство има врзани раце за затворање на истрагата за „Талир“ бидејќи и Кирил Божиновски и Мартин Протогер, осомничени во случајот не ги примаат поканите за давање исказ во СЈО.
Правниците пoтенцираат дека за кривични дела за кои е предвидена казна затвор над пет години, обвинителството мора да му овозможи на осомничениот да даде своја одбрана.
Знаејќи го тоа, Груевски, Божиновски и Протогер, а имајќи во предвид дека рокот на СЈО за поднесување обвиненија истекува, тие не се одзвале на поканите. Но, тоа не значи дека СЈО нема да може ја продолжи истрагата за овој или за останатите случаи за кои до петок нема да поднесе обвинение.
Самото дело нема да застаре доколку СЈО не покрене обвининие бидејќи предметот потоа може повторно да го отвори доколку на некој начин им биде овозможено продолжување на мандатот или пак истиот го преземе Јавното обвинителство во друга правна форма од сегашно регулираните законски одредби насочени кон прислушкуваните разговори.