29 Март, 2024
0.0279

Бездомникот Спасе од Ајватовци на работ на преживување, се бори со глад и студ

Објавено во: Македонија 15 Јануари, 2017

Добивај вести на Viber

На дваесетина километри од центарот на Скопје, во скопското село  Ајватовци со години заборавен од семејството и  државата живее бездомникот Спасе. Во мала руинирана куќа, без греење и храна,  судбината на овој човек зависи од добрината и хуманоста на жителите. Соседка од селото  за неговата состојба ги информирала волонтерите на здружението “Љубезност”. По  замрзнатиот пат  нивниот тим се упатил кон селото. Велат глетката која ги затекнала била разочарувачка, старата куќа со искршени прозорци  и врата била опколена со снег  и мраз,  а пукнатините на ѕидовите  и таванот го пропуштале  студениот ветер.

“Ни беше пријавено дека во напуштена двособна куќичка која е на распаѓање, веќе подолго време живее бездомник кој не може сам да се грижи за себе и да се движи, и е зависен од инвалидска количка и други помагала. Волонтери од “Љубезност”  и од прифатниот центар “Дуња”  веднаш се упатиjа кон Ајватовци, патот беше целосно замрзнат, но сепак се стигна до местото. Призорот во старата куќичка беше крајно разочарувачки. Чичко Спасе живее во крајно мизерни услови. Минатите денови со температури од -20 и пониски, ги поминал сам токму овде”- објаснува Тони Станковски од Здружението “Љубезност”.

На бездомникот Спасе досега единствено му помагале соседката  Елена и нејзиниот сопруг. По  објавите  на социјалните мрежи да се пријавуваат лица на кои има треба помош тие  веднаш го  контактирале здружението.

“Чичко Спасе се жалеше од болки во нозете, па затоа го однесовме  во Ургентниот центар, а потоа беше вратен во прифатниот центар ДУЊА лоциран спроти Градежниот факултет каде што доби топол оброк и ја помина ноќта во топла просторија, со чиста постелнина, заедно со тројца други бездомници”- додава Станковски.

Шеесет и две годишниот Спасе е само еден од стотината бездомници кои на екстремно ниските температури бараат спас од студот. Деновиве покрај во центарот за бездомници во Момин поток, беа отворени уште два пункта, еден во катната гаража спроти МРТВ, а  другиот во социјалниот центар  “Дуња” спроти Градежниот факултет којшто обезбедува помош во храна и облека и вдомување на бездомници кои немаат каде да се засолнат од поларните температури.

Денеска граѓаните  можат да донираат помош за бездомниците  на пунктот на активистите на “Мрдни со Прст”  кој што е поставен во  Сити Мол и на кој ќе може да се донираат ќебиња, чиста облека, обувки, душеци за спиење, прибор за јадење и хигиенски средства. Донациите ќе бидат доставени до социјалниот центар „Дуња“.

Од кампањата „Мрдни со прст“ велат дека имаат  за цел подигнување на јавната свест за различните можности за општествени промени кои се во доменот на секој поединец. Тука  спаѓа и помош за бездомниците. Оттаму повикуваат дека во рамки на кампањата граѓаните  може да помогнат  и со лоцирање на бездомник и негово пријавување на нивната страна: http://mrdnisoprst.mk/ или Facebook страната www.facebook.com/MrdniSoPrst,  а ги повикуваат сите кои сакаат да помогнат со приготвување на топол оброк за бездомниците.


Можеби ќе ве интересира

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата