БиХ може да стане центар на исламско банкарство

Добивај вести на Viber

За економскиот развој во БиХ е многу важно да се бараат начини да се подобри употребата на капацитет, како и опции кои може да се реализираат со помош на исламското банкарство, изјавил за хравтски медиум проф. Д-р Мехмет Асутаи, директор на Дурам центар за исламска економија и финансии, на Универзитетот во Дурам во Велика Британија. -За БиХ е од суштинско значење дека исламските финансии се сметаат како една од опциите, со акцент на реалната економија. Затоа експанзијата на исламските финансии имаше позитивно влијание врз формирањето на капацитетите за економски развој", изјавил Асутаи. Тука за БиХ, но и за други европски земји треба само да се најде законодавна регулатива. -Сепак, многу земји во Европа, како што се Франција и Велика Британија, пронајдоа начин да се справат со регулаторните барања. Во БиХ веќе има една исламска банка, па така постојат некои услови да се прилагодат законите, за подобро да се воспостави овој вид на банкарство во земјата, објасни професорот на Универзитетот во Дурам. Поради тоа се смета дека во БиХ е светла иднина на исламското банкарство. -Тоа ќе биде голем придонес за ширењето на исламските финансии во БиХ, која истовремено ќе привлече директни странски инвестиции и капитал во оваа земја. Следствено БиХ ќе има можност да стане центар на исламското банкарство и ќе предизвика поголем интерес за финансии и на Балканот", вели Асутаи.