БИТКА ЗА ПАРИТЕ: Дали опозицијата ќе го минира буџетот?
Објавено во: Економија 01 Октомври, 2016
Дали опозицијата ќе го урне буџетот со 422 амандмани? Жестока расправа во комисијата во собрание. Додека се губат човечки животи вие проектирате златни чешми, фасади, обвини опозицијата
Вода нема во Тетово, пари нема за канали и речни корита, затоа загубивме човечки животи, и ДПА со жестоки обвинувања кон власта како го скроиле предлог буџетот за догодина.
Опозицијата побара парите да се трошат рационално, а не за добивање на гласови. Од ДУИ уверуваат дека во буџетот парите пропорционално се трошат, а граѓаните со секои избори ги легитимираат политиките.
Опозицијата поднесе вкупно 422 амандмани , од кои 154 се од СДСМ, а останатите од ДПА.
Опозицијата инсистира нов буџет да изгласа новата влада, по изборите на 11 декември.
11 октомври е датумот до кој пратениците треба да одлучат за буџетот кој Владата го предложи за 2017 година.
Според договорот од Пржино на 12-октомври Собранието треба да се распушти а претседателот Трајко Вељаноски да распише предвремени парлаентарни избори на 11-ти декември.
Според предлогот Владата бара тој да изнесува 3,3 милијарди евра од кои 450 милиони ќе бидат наменети за капитални инвестиции.
Жестоки дебати и контрадикторни ставови во врска за Буџетот кој владата го донесе во рекордно брз период а за исто толку експресно брзо време сака да го протне во Собранието од владеачката гарнитура и опозицијата.
Двете опонентски партии водат битки за парите. Власта тврди дека со овој предлог буџет ќе се намалува етапно буџетскиот дефицит, додека СДСМ не дава власта предизбори да го протне буџетот за кој тврдат дека е антидомаќински и ќе донесе нови долгови од 305 милиони евра.
Кој ќе биде победникот во оваа буџетска битка засега е неизвесно.