„Битката“ за буџетот ќе се води десет дена-Потоа распишување на избори!
Објавено во: Финансии 30 Септември, 2016
11 октомври е датумот до кој пратениците треба да одлучат за буџетот кој Владата го предложи за 2017 година.
Според договорот од Пржино на 12-октомври Собранието треба да се распушти а претседателот Трајко Вељаноски да распише предвремени парлаентарни избори на 11-ти декември.
Според предлогот Владата бара тој да изнесува 3,3 милијарди евра од кои 450 милиони ќе бидат наменети за капитални инвестиции.
Жестоки дебати и контрадикторни ставови во врска за Буџетот кој владата го донесе во рекордно брз период а за исто толку експресно брзо време сака да го протне во Собранието од владеачката гарнитура и опозицијата.
Двете опонентски партии водат битки за парите. Власта тврди дека со овој предлог буџет ќе се намалува етапно буџетскиот дефицит, додека СДСМ не дава власта предизбори да го протне буџетот за кој тврдат дека е антидомаќински и ќе донесе нови долгови од 305 милиони евра.
Кој ќе биде победникот во оваа буџетска битка засега е неизвесно.
Што, како, колку, за каде од Буџетот за 2017 година?
Сума од 438 милиони евра е предвидена за капитални инвестиции во предлог-Буџетот за следната година. Со вака планирана сума, власта се пофали дека ќе реализира историски највисок износ на капитални инвестиции.
Сепак, изминатите години се покажа дека износите што со буџетите беа планирани за капитални инвестиции, никогаш не се реализираа во целост, пред се затоа што првично планираните суми речиси секогаш се кратеа со ребалансите, а потоа дури и скратените износи не беа реализирани во целост.
Па така, за годинава првично беше предвидена сума од 416 милиони евра за капитални инвестиции, која потоа со двата ребаланси беше скусена на 366 милиони евра.
За плати се предвидени 26,77 милијарди денари, а социјалните трансфери 92,7 милијарди денари.За исплата на пензии следната година во буџетот се планирани 833 милиони евра, што е за 42 милиони евра повеќе од сумата планирана за годинава. Во предвидениот износ за исплата на пензии за следната година е вкалкулирано и планираното зголемување на пензиите што треба да се исплати со декемвриските пензии.
Во текот на 2017 година 51.214 милиони денари се наменети заисплата на пензии и во истите е вкалкулирано предвидено зголемување на пензиите за 5% во просек почнувајќи од ноемвриската пензија, со исплата во декември 2016 година.