Биткоинот со ново чудо!
Објавено во: Економија 14 Август, 2017
Голем број на финансиски експерти претпоставуваа уште на почетокот на летото дека вредноста на Биткоинот не го достигнала врвот и откако беше за прв пат надмината вредноста од 2500 долари излегоа со прогнози дека криптовалутата може да оди и двојно повеќе.
Нивните прогнози се на добар пат да се реализираат бидејќи Биткоинот за прв пат во историјата ја надмина вредноста од 4000 долари на светските берзи и донесе скок од највисоки десетина проценти за само еден ден на тргување. Цените флуктуираа па од максималните 4225 сегашната вредност на биткоинот е околу 4050 долари.
Според оваа вредност на берзите Биткоинот има пазарна доминација во делот на криптовалутите и вкупна проценета вредност од 137 милијарди долари. За да бидат бројките уште поимпресивни станува збор за скок на вредноста за 11 милијарди долари во само два дена.
Нагорната линија за биткоинот не сопира и по поделбата на криптовалутата на два сегмента од што произлезе биткоин кеш чија пак поединечна вредност опадна за 8%.