Богоевски: Ова не е прогон на ВМРО-ДПМНЕ туку на злосторничкото здружение

Добивај вести на Viber

Активистот на Шарената револуција кој ги застапуваше ставовите за формирање и слободно функционирање на СЈО, а подоцна стана и пратеник смета дека подигнатите обвиненија не се против ВМРО-ДПМНЕ како партија, туку против криминалното раководство. 

- За едно нешто Никола Груевски е во право. Вакво нешто не се случило никогаш во историјата.

Ниту во Македонија, ниту во Европа не се случило една банда да окупира владеачка политичка партија, а преку тоа и целата држава. Никогаш претходно, не се случило злосторничко здружение да се претвори во најбогатата партија во Европа и повеќе од една декада да се преправа дека е политичка партија која управува со правна држава и демократско општество.

Дури и Хитлер и неговата национал-социјалистичка партија имаа доволно храброст за да не се кријат пред својата држава и светот.

За се друго излажа.

Ова не е прогон на ВМРО-ДПМНЕ. Ниту партијата е под напад. Под напад и под прогон е злосторничкото здружение кое прво ја киднапираше партијата, па потоа државата.

Ова не се политички процеси. Ова се судски процеси, чиј предмет на докажување се политички постапки кои исполнуваат законски битија на различни кривични дела. Тоа што повеќето од обвинетите ги злоупотребиле своите политички функции за да можат да ги извршат овие, но и многу други кривични дела - не го прави прогонот политички.

А колку време имало да работи #СЈО, нека го праша Советот на јавни обвинители, ставревски и иванов кога одбиваа да доделат кадар, буџет, или пак идиотски се обидоа да ги аболицираат сите од кривичен прогон.

И за уште нешто е делумно во право. Заврши времето кога неговите политички блокирања на судските постапки можеше да ги сокрие зад лажната конструктивност, посочи пратеникот Павле Богоевски на Фејсбук профилот.