Богов: Нема проблем со депозитите во Тутунска банка
Објавено во: Финансии 27 Март, 2013
Проблем со депозитите во НЛБ Тутунска банка нема, дециден е Гувернерот Богов кој во писмена изјава до медиумите ги демантираше информациите коишто се проширија во дел од Македонија за проблеми во работењето на банката.
Тој посочи дека Народната банка, секојдневно го следи нивото на депозити во сите шеснаесет банки, а Тутунска банка има пораст на штедењето на населението и на вкупните депозити од почетокот на месецот.„ Сакам да нагласам дека сите банки во Македонија се посебни правни лица коишто работат според македонските закони и над кои НБРМ врши супервизија. „НЛБ Тутунска банка“ е најдобрата банка во групацијата на НЛБ, не се потпира на финансирање од матичната банка, ниту може да ги одлее средствата во матичната банка. Депозитите на штедачите пласирани во „НЛБ Тутунска банка“ се пласирани во македонската економија, а не во словенечката. „НЛБ Тутунска банка“ е финансиски целосно самостојна банка. Дури и при позначајни проблеми на НЛБ во Словенија, тоа не би се одразило врз билансот на „НЛБ Тутунска банка“ и таа нормално би ги продолжила своите операции, наведува гувернерот на НБРМ Димитар Богов