Бомба во Темза, луѓето беа евакуирани
Објавено во: Свет 25 Јуни, 2017
Големото панорамско тркало покрај брегот на реката Темза во Лондон, познато како „Лондонското Око“ денеска беше затворено, а присутните во неговата поблиска околина, беа итно евакуирани.
Во реката беше откриена една неексплодирана бомба од Втората светска војна.
Полицијата и специјалните полициски сили го блокираа целиот брег околу „тркалото“ и блиското речно пристаниште „Вестминстер“ и го испразнија од луѓе широкиот простор на и околу кејот, на кој редовно има многу туристи од целиот свет.
Блокадата траеше околу еден час, по што полицијата одлучи да го отвори целиот простор околу „Лондонското Око“ по утврдената експертиза дека во овој момент, не постои опасност од експлозија на старата бомба.
Претставник на полицијата изјави дека просторот околу популарната туристичка локација во строгиот центар на Лондон ќе биде одново затворен при низок водостој на Темза за да може да се извлече бомбата.